У Арменіі балюча ўкалолі Лукашэнку

• 5.05.2026, 7:45

МЗС рэжыму нервова адрэагаваў.

Спікер Нацыянальнага сходу Арменіі Ален Сіманян у тэлевізійным эфіры заявіў, што Расія ў краіне прадпрымае спробу палітычнай аперацыі і захопу ўлады.

«Мы не дазволім зрабіць Рэспубліку Арменія губерняй. Мы не будзем кіравацца, як у Беларусі», — сказаў ён.

Потым адзначыў, што не дарма прывёў прыклад Беларусі:

«Ці ты мусіш быць Арменіяй, каб мець збалансаваныя адносіны і з Расіяй, і з тымі, і з іншымі, ці ты мусіш быць ускраінай, або Беларуссю».

У лукашэнкаўскім МЗС такія заявы назвалі перадвыбарчым папулізмам і адчайнай спробай адцягнуць уласны электарат.

Заўважым, што ўчора, 4 мая, у Ерэван прыбылі еўрапейскія лідары.