На мяжы Літвы і Беларусі выяўлены падкоп

• 8.05.2026, 9:39

Літоўскія памежнікі затрымалі 18 нелегальных мігрантаў.

Дзяржаўная памежная служба Літвы паведаміла пра затрыманне 18 нелегальных мігрантаў, якія праніклі на тэрыторыю Літвы з боку Беларусі праз падкоп пад памежнымі загароджамі.

Паводле інфармацыі ведамства, затрыманыя мужчыны назваліся грамадзянамі Афганістана і Шры-Ланкі. Пазней літоўскія памежнікі вярнулі іх на беларускую тэрыторыю.

Акрамя таго, супрацоўнікі службы затрымалі двух грамадзян Украіны. Іх падазраюць у спробе вывезці сямёх мігрантаў, якія незаконна перасеклі мяжу.

Як адзначылі ў памежнай службе, з пачатку 2026 года ўжо было зафіксавана 731 спроба нелегальнага пранікнення ў Літву з тэрыторыі Беларусі.