Найтаннейшы кросовер Maserati ўпершыню паказалі ў новым выглядзе

• 8.05.2026, 10:19

Італьянская кампанія падрыхтавала аўтамабіль з новым дызайнам.

Кросовер Maserati Grecale спачатку прыцягнуў увагу пакупнікоў як найтаннейшы аўтамабіль у лінейцы італьянскага вытворцы. Але продажы запаволіліся, таму кампанія падрыхтавала аўтамабіль з новым дызайнам. Яго ўпершыню паказалі на фота.

Падрабязнасці сталі вядомыя Carscoops. Хутка адбудзецца дэбют Maserati Grecale мадэльнага года 2027, а пакуль вытворца паказаў закамуфляваны прататып. Найбольш цікавыя элементы заклеілі плёнкай — але менавіта так мы разумеем, што асноўныя змены закране дызайн бампераў.

Рэстайлінг кросовера Grecale падрыхтавалі разам з іншымі мадэлямі Maserati — спарткары GranTurismo і GranCabrio таксама атрымаюць абноўленую знешнасць. Чакаецца, што гэта дапаможа вытворцу нарасціць продажы.

Нядаўна СМІ паведамлялі, што пракатная кампанія Hertz у межах абнаўлення свайго аўтапарка распродавала буйныя партыі прэміяльных аўтамабіляў. Сярод іх было каля 40 Maserati Grecale з прабегам.

Аўтамабілі эксплуатаваліся прыкладна год, пры гэтым у некаторых прабег не дасягаў і 15 000 км. Фактычна, яны толькі прайшлі абкатку. А кошты пачыналіся з 36 000 долараў — прыкладна ўдвая ніжэй за першапачатковы кошт.