Сталі вядомыя наступствы няпагоды ў Беларусі

• 8.05.2026, 10:28

Стыхія закранула чатыры населеныя пункты.

Беларускія выратавальнікі ліквідавалі наступствы моцнага ветру, парывы якога 7 мая дасягалі 20 метраў за секунду.

Няпагода закранула чатыры населеныя пункты — два ў Брэсцкай вобласці, а таксама па адным у Мінскай і Магілёўскай абласцях.

У выніку моцнага ветру былі пашкоджаныя дахі жылога дома, аб'екта сацыяльна-культурнага прызначэння і трох сельскагаспадарчых будынкаў.

Акрамя таго, супрацоўнікі экстранных службаў займаліся прыбіраннем паваленых дрэў. Усяго было распілена і прыбрана 33 дрэвы: 30 — у Магілёўскай вобласці і яшчэ тры — у Віцебскай.

Напярэдадні і 8 мая ў Беларусі працягвае дзейнічаць аранжавы ўзровень небяспекі з-за неспрыяльных пагодных умоў.