У Грозным чуваць гукі выбухаў і страляніны

• 8.05.2026, 10:57

Дроны атакавалі будынак ФСБ.

У сталіцы Чачні, горадзе Грозным, чуваць гукі выбухаў і страляніны. Першы выбух прагучаў каля 6 гадзін раніцы. Пасля яго прагучала серыя іншых выбухаў у раёне праспекта Ісаева, дзе знаходзіцца будынак УФСБ, піша «Фокус».

«Яшчэ адзін прылёт у раёне чыгуначнага вакзала ў Грозным. З-за глушэння сеткі не ўсе жыхары могуць выйсці на сувязь і паведаміць пра абстаноўку», — піша апазіцыйнае СМІ Niyso.

Журналісты адзначаюць, што жыхары Грознага дасылаюць ім відэа- і аўдыёзапісы прылётаў.

«Інфармацыя пра тое, што гэта былі менавіта БПЛА, пацвердзілася. Дакладную колькасць пакуль назваць складана, аднак гаворка ідзе як мінімум пра 4–5 дронаў», — гаворыцца ў паведамленні.

Яны таксама адзначылі, што адзін дрон зваліўся недалёка ад новага будынка адміністрацыі і вайсковага гарадка ў Ханкале: «Верагодна, ён ляцеў у адзін з гэтых двух аб'ектаў».

Яшчэ адзін дрон, які, як меркавалася, накіроўваўся да будынка УФСБ, упаў побач: «Верагодна, быў збіты».

Журналісты адзначылі, што маюць відэа з месцаў падзення дронаў і фота, але яны іх не публікуюць, каб абараніць сваіх падпісчыкаў, якія даслалі ім файлы.

Афіцыйныя СМІ Чачні пра атаку дронаў не паведамлялі ўвогуле.

На фоне гэтых навін расійскія СМІ паведамляюць пра прыпыненне працы шэрагу аэрапортаў на поўдні РФ. Адзначаецца, што дрон трапіў у будынак аэранавігацыі. У выніку часова закрыты Астрахань, Уладзікаўказ, Валгаград, Геленджык, Грозны, Краснадар, Махачкала, Магас, Мінеральныя Воды, Нальчык, Сочы, Стаўрапаль, Эліста.