«Азоў» заявіў, што «вяртаецца» ў Марыупаль

• 8.05.2026, 12:00

Што гэта значыць?

Падраздзяленне «Азоў» заявіла, што вяртаецца ў Марыупаль. Упершыню за час поўнамаштабнай вайны яно фіксуе ў аб'ектыве родны горад і наносіць удары па мэтах акупантаў.

Пра гэта паведамляе 1-ы корпус Нацыянальнай гвардыі Украіны «Азоў».

Што адбываецца

Лётчыкі «Азова» патрулююць дарогі на глыбіню 160 км ад лініі баявога судакранання. У зоне ахопу — Марыупаль і яго ваколіцы.

Акупанты выкарыстоўваюць украінскія дарогі ў горадзе для перакідкі асабовага складу і тэхнікі. Менавіта гэтыя маршруты цяпер у фокусе разведвальна-ўдарных комплексаў палка.

«1-ы корпус НГУ «Азоў» працягвае стварэнне «санітарнай зоны» для расійскай лагістыкі. Глыбіня удараў будзе расці», — заявілі ў «Азове».

«Азоў» пакуль што вярнуўся ў Марыупаль з неба. Але ў палку даюць зразумець — гэта толькі пачатак.