World Athletics адмовілася дапускаць спартсменаў з Беларусі

• 8.05.2026, 12:59

Нягледзячы на рэкамендацыі МАК.

Сусветная лёгкаатлетычная асацыяцыя (World Athletics) абвясціла пра захаванне ў сіле адстаранення беларускіх спартсменаў ад міжнародных спаборніцтваў, нягледзячы на рэкамендацыю Міжнароднага алімпійскага камітэта (МАК) зняць усе абмежаванні, перадае Times.

«Наш савет прыняў выразнае рашэнне, што, калі з’явіцца адчувальны прагрэс у мірных перамовах, ён можа пачаць пераглядаць свае рашэнні. Мы ўсе спадзяёмся, што гэта адбудзецца хутка, але да таго часу савет застаецца адзіным у падтрымцы рашэння, прынятага ў сакавіку 2022 года, а пазней пацверджанага ў 2023 і 2025 гадах», — гаворыцца ў заяве арганізацыі.

7 мая выканаўчы камітэт МАК афіцыйна заявіў, што больш не рэкамендуе ўводзіць якія-небудзь забароны для спартсменаў з Беларусі.