Кіраўніца МЗС Фінляндыі: Армія Украіны ўваходзіць у чацвёрку найбольш надзейных у Еўропе

• 8.05.2026, 15:22

Яе варта як мага хутчэй інтэграваць у НАТА.

Украінская армія з’яўляецца адной з усяго толькі «чатырох надзейных армій у Еўропе», яе варта як мага хутчэй інтэграваць у НАТА. Пра гэта заявіла міністарка замежных спраў Фінляндыі Эліна Валтонен, паведамляе ZDFheute.

Паводле слоў міністаркі, Украіна павінна быць інтэграваная ў НАТА «як мага хутчэй». Гэта ў яе ўласных інтарэсах.

Валтонен таксама адзначыла, што Украіна з’яўляецца адной з усяго толькі «чатырох надзейных армій у Еўропе» — нароўні з узброенымі сіламі Турэччыны, Польшчы і Фінляндыі.

Таксама кіраўніца МЗС Фінляндыі не выключае, што Дональд Трамп усё ж можа адмовіцца ад свайго супраціву сябраству Украіны ў НАТА. Яна адзначыла, што ён, у рэшце рэшт, з’яўляецца «перамоўшчыкам».