Кот з Барысава стаў зоркай сацсетак

• 8.05.2026, 15:35

Відэа з яго «ратаваннем» набрала амаль 6 млн праглядаў у TikTok.

Кот Цігріс узабраўся на высокае дрэва на скрыжаванні вуліц Горкага і Чапаева і некалькі гадзін адмаўляўся спускацца ўніз. Гаспадыня Анастасія спачатку спрабавала выманіць яго валяр'янкай, потым палезла за ім сама. У выніку выратавальнікі здымалі ўжо яе.

Пазней выклікалі аўтавышку, вакол сабраўся натоўп з тэлефонамі, мужчыны нават расцягнулі куртку для магчымага скоку.

Але калі ўсё было гатова да маштабнай выратавальнай аперацыі, Цігріс проста спакойна злез сам і ўцёк.

Праз некаторы час ката знайшлі на суседняй вуліцы — цэлага і непашкоджанага.