Шакіра прадставіла афіцыйную песню чэмпіянату свету па футболе 2026 года

• 8.05.2026, 19:04

Фрагмент трэка Dai Dai ужо з’явіўся ў Сеціве.

Вядомая калумбійская спявачка апублікавала фрагмент трэка Dai Dai — ён стане галоўным музычным саўндтрэкам чэмпіянату свету па футболе 2026 года, які пройдзе з 11 чэрвеня па 19 ліпеня ў ЗША, Канадзе і Мексіцы.

Таксама ўжо зняты афіцыйны кліп: у ім Шакіра танчыць проста на полі легендарнага стадыёна «Маракана» ў Бразіліі. Поўная версія песні павінна выйсці 14 мая.

Назва Dai Dai паходзіць з італьянскай мовы і азначае «Давай!» або «Наперад!». Разам з Шакірай песню выконвае нігерыйскі музыкант Burna Boy.

Для Шакіры гэта ўжо трэцяя песня для футбольных чэмпіянатаў свету. Раней яна запісала вельмі папулярныя кампазіцыі Waka Waka (This Time for Africa) для мундыялю 2010 года ў Паўднёва-Афрыканскай Рэспубліцы і La La La для турніру 2014 года ў Бразіліі.