Лукашысты пачалі мерацца «яблыневымі» бутаньеркамі

У некаторых чыноўнікаў «кветкі» аказаліся заўважна больш раскошныя, чым у іншых.

Выданне «Флагшток» заўважыла, што не ўсе бутаньеркі ў выглядзе яблыневай кветкі, якімі ў Беларусі замяняюць расійскія георгіеўскія стужкі, аднолькавыя. У адных чыноўнікаў яны чамусьці больш раскошныя, чым у іншых.

Сваеасаблівы рэкорд усталявалі старшыня Гомельскага аблвыканкама Іван Крупко і старшыня Савета Рэспублікі Наталля Качанава. Іх «кветкі» ўпрыгожаныя цэлымі шасцю чырвона-зялёнымі стужкамі.

Для параўнання: у міністра абароны Віктара Хрэніна, які стаіць побач, стандартная бутаньерка з двума стужкамі.