Прэзідэнт Еўракамісіі павіншавала Мадзяра са ўступленнем на пасаду

• 9.05.2026, 17:18

«Магутны сігнал у гэтыя складаныя часы».

Прэзідэнт Еўракамісіі Урсула фон дэр Ляен павіншавала новага прэм'ер-міністра Венгрыі Пэтэра Мадзяра са ўступленнем на пасаду.

Заяву ў сацсетцы X яна апублікавала неўзабаве пасля таго, як новы ўрад у Будапешце прыняў прысягу.

Фон дэр Ляен адзначыла, што ў гэты Дзень Еўропы «нашы думкі ў Будапешце».

«Надзея і абяцанне аднаўлення — магутны сігнал у гэтыя складаныя часы. Наперадзе ў нас важная праца. Мы будзем рухацца наперад разам — для Венгрыі і для Еўропы», — напісала яна.

Днём 9 мая новы ўрад Венгрыі на чале з Пэтэрам Мадзярам, лідарам дагэтуль апазіцыйнай «Тысы», прыняў прысягу і афіцыйна пачынае працу.

Перад гэтым на інаўгурацыйным пасяджэнні парламента абралі спікера заканадаўчага органа; адным з першых яе рашэнняў стала вяртанне сцяга ЕС на будынак.