Пуцін раптам заявіў, што гатовы сустрэцца з Зяленскім у трэцяй краіне

• 9.05.2026, 22:10

Кіраўнік РФ назваў «галоўную ўмову».

Расійскі дыктатар Пуцін заявіў пра «гатоўнасць правесці сустрэчу» з прэзідэнтам Украіны Уладзімірам Зяленскім не толькі ў Маскве, але і на тэрыторыі трэцяй дзяржавы. Галоўнай умовай ён назваў падпісанне канчатковай дамовы, паведамляюць расСМІ.

Паводле слоў расійскага дыктатара, сустрэча на нейтральнай тэрыторыі нібыта магчыма толькі пры ўмове дасягнення канкрэтных дамоўленасцей.

«Можна сустрэцца і ў трэцяй краіне, але толькі ў тым выпадку, калі будуць дасягнутыя канчатковыя дамоўленасці на доўгую гістарычную перспектыву», — падкрэсліў Пуцін.

У той жа час ён дадаў, што Крэмль нібыта ніколі не адмаўляўся ад асабістых кантактаў.