Гары Каспараў: Магчымы толькі адзін вынік вайны ва Украіне

• 1.06.2026, 7:40

Гэта толькі пытанне часу

Адзін з лідараў расійскай апазіцыі Гары Каспараў заявіў, што не сумняваецца ў вызваленні Крыма, аднак лічыць немагчымым прагназаваць канкрэтныя тэрміны такога развіцця падзей.

У эфіры YouTube-канала «Форум свабоднай Расіі» Каспараў адзначыў, што цяпер недастаткова інфармацыі для аб'ектыўнай ацэнкі сітуацыі на фронце і перспектыў далейшага развіцця вайны. Разам з тым ён падкрэсліў, што лічыць вяртанне Крыма пад кантроль Украіны непазбежным вынікам канфлікту.

Паводле слоў палітыка, пытанне не ў тым, ці адбудзецца гэта, а ў тым, калі менавіта. Ён таксама звярнуў увагу на нарастальныя лагістычныя цяжкасці, з якімі, на яго думку, сутыкаецца расійскае ўгрупаванне на паўвостраве.

Асобна Каспараў адзначыў эфектыўнасць дзеянняў Украіны ва ўмовах супрацьстаяння значна большаму праціўніку.

«Трэба аддаць належнае: Украіна, улічваючы маштаб ворага, з якім яна змагаецца, знайшла надзвычай эфектыўны метад барацьбы. Вось гэты новы від вядзення вайны стварыў прынцыпова новую сітуацыю і нават не на полі бою, а ўнутры ўсёй гэтай канфліктнай сітуацыі, таму што мы шмат разоў казалі, што зыход вайны ва Украіне паўплывае на ўвесь свет», — заявіў ён.