Украінскія памежнікі падраздзялення «Фенікс» за месяц знішчылі амаль 300 расійскіх БПЛА
- 10.06.2026, 18:38
На суму больш за $11 млн.
Памежнікі падраздзялення «Фенікс» на працягу мая знішчылі амаль 300 расійскіх беспілотнікаў розных тыпаў.
Сярод паражаных мэтаў — разведвальныя БПЛА «Арлан», ZALA, «Князь Вешчы Алег», а таксама ўдарныя беспілотнікі тыпу «Шахед» і «Маланка».
Агульны кошт знішчаных паветраных мэтаў, паводле ацэнак падраздзялення, перавышае $11 мільёнаў.
Асобна вайскоўцы адзначылі знішчэнне найноўшага расійскага разведвальнага беспілотніка «Мэрлін-ВР».
Гэты апарат лічыцца адным з самых дарагіх у сваім класе, а яго прыблізны кошт складае каля $300 тысяч.
Кадры выніковай працы памежнікаў «Фенікс» апублікаваныя ў сацсетках.