Трамп заявіў пра захоп 22 іранскіх нафтавых танкераў

• 10.06.2026, 20:30

Паводле яго слоў, Вашынгтон атрымаў «мільёны барэляў нафты».

Амерыканскія вайскоўцы захапілі 22 іранскія нафтавыя танкеры, заявіў прэзідэнт Злучаных Штатаў Дональд Трамп.

Паводле яго слоў, Вашынгтон атрымаў «мільёны барэляў нафты».

«Вы ведаеце, што мы забралі мільёны барэляў нафты? <...> Нядаўна ўначы мы забралі 22 судны. Позна ўначы, без святла. Паколькі ў іх [у гэтым раёне] не было радара — мы яго разбамбілі <...> Таму нафта і каштуе $85 за барэль», — сказаў ён на брыфінгу ў Авальным кабінеце. Трансляцыя апублікавана на YouTube-канале Белага Дома.

Так ён адказаў на словы журналіста пра тое, што інфляцыя ў ЗША ўпершыню за тры гады перавысіла 4%.