Расія апынулася за крок ад калапсу

• 11.06.2026, 7:49

Крым стаў першым сігналам.

Абмежаванні на продаж паліва ў асобных рэгіёнах Расіі сведчаць не пра лакальныя збоі, а пра пачатак больш глыбокіх праблем у нафтаперапрацоўчай галіне РФ.

Пра гэта ў інтэрв’ю «Главреду» распавёў прэзідэнт Цэнтра глабалістыкі «Стратэгія XXI», эксперт у галіне міжнародных энергетычных адносін і бяспекі Міхаіл Ганчар.

«Гэта прыкмета, але пакуль не больш за тое. Пра паўнамаштабны паліўны крызіс казаць пакуль рана. Безумоўна, тое, што цяпер адбываецца з палівам у Крыме, з’яўляецца прамым вынікам дзеянняў Сіл абароны Украіны па лагістычнай ізаляцыі паўвострава па ўсіх напрамках. Цяперашнія праблемы на расійскім паліўным рынку ў цэлым — гэта назапашаны эфект і вынік нашых сістэмных дзеянняў з пачатку 2026 года, дынаміка якіх нарастае. Калі ў студзені і лютым было пяць–шэсць атак на НПЗ, то ў маі — 16. Таму мы бачым крызісныя праявы, якія ў першую чаргу сталі прыкметныя на акупаваных тэрыторыях Украіны, але ўжо пачынаюць закранаць і розныя рэгіёны Расіі», — адзначыў ён.

Ганчар адзначыў, што пакуль казаць пра паўнамаштабны паліўны крызіс у Расіі яшчэ рана, бо буйныя нафтавыя кампаніі працягваюць карыстацца ўласнымі запасамі паліва, а стратэгічны дзяржаўны рэзерв пакуль не задзейнічаны. Паводле яго слоў, у розных аператараў ёсць запасы, якіх хапае ад двух тыдняў да месяца, і менавіта яны цяпер стрымліваюць праявы крызісу на рознікавым рынку нафтапрадуктаў.

Эксперт таксама падкрэсліў, што калі ў чэрвені ўкраінскія ўдары па расійскіх нафтаперапрацоўчых заводах захаваюць цяперашнюю інтэнсіўнасць, то ўжо ў ліпені сітуацыя на паліўным рынку РФ значна пагоршыцца.

На яго думку, крызіс распаўсюдзіцца і на паўднёвыя рэгіёны краіны, а ў найбуйнейшых гарадскіх агламерацыях, у прыватнасці ў Маскве і Санкт-Пецярбургу, цяперашнія прыкметы магчымых абмежаванняў могуць перарасці ў паўнавартасныя праблемы з забеспячэннем палівам.

«Сімптаматычнымі з’яўляюцца ўведзеныя ў Расіі забароны: з 1 красавіка — на экспарт бензіну, з 1 чэрвеня — на экспарт рэактыўнага паліва. Гэта сведчыць пра сур’ёзныя праблемы ў нафтаперапрацоўчай галіне Расіі. Давесці гэтае становішча да крытычнага ўзроўню — задача Сіл абароны Украіны і тых удараў, што наносяцца па магутнасцях перапрацоўкі нафты і захоўвання гатовых нафтапрадуктаў», — падсумаваў ён.