Дзе ў Беларусі глядзець матч адкрыцця ЧС па футболе

• 11.06.2026, 21:16

Мундыяль стартуе ўжо сёння.

У чацвер, 11 чэрвеня, на легендарным стадыёне «Ацтэка» ў Мексіцы адбудзецца матч адкрыцця чэмпіянату свету па футболе 2026 года.

Будучы турнір стане гістарычным. Акрамя таго, што ён адбудзецца ў трох краінах, у фінальнай стадыі сусветнага першынства ўпершыню возьмуць удзел 48 каманд.

Гонар адкрываць мундыяль-2026 выпаў зборным Мексікі і ПАР.

Стартавы свісток прагучыць а 22:00 па беларускім часе.

У прамым эфіры матч пакажа тэлеканал «Спорт ТВ». У большасці беларусаў гэта 11-я кнопка ў стандартным ТВ-пакеце.