«Беларусь апынулася ў вельмі цікавай сітуацыі»

• 12.06.2026, 10:56

Расія прайграе вайну.

Вядомы амерыканскі пісьменнік Юрый Фельштынскі, аўтар кнігі пра сучасную беларускую гісторыю «Беларусь Наталлі Радзінай. Журналістка супраць дыктатара», даў інтэрв’ю «Радыё Рацыя».

Сайт Charter97.org прыводзіць некалькі важных фрагментаў размовы:

«Беларусь апынулася ў вельмі цікавай сітуацыі. Справа ў тым, што са стратай кантролю над Беларуссю Расія прайграе вайну з Украінай.

Падкрэслю, самы просты і хуткі сцэнар паразы Расіі ў гэтай вайне — вызваленне Беларусі ад Лукашэнкі і, адпаведна, ад расійскага кантролю», — упэўнены Юрый Фельштынскі.

Эксперт падкрэслівае, што, губляючы кантроль над Беларуссю, Расія губляе плацдарм, з якога можна «заходзіць» у Еўропу.

«Калі казаць пра вызваленне і шанец для Беларусі, то гэты шанец ужо ўзнік у сувязі з расійска-ўкраінскай вайной. Беларусь была выкарыстана як плацдарм. Пра гэта Украіна не забудзе, і будуць наступствы для рэжыму Лукашэнкі».

Фельштынскі адзначыў, што пасля 2022-га года ўсім канчаткова стала ясна, што Беларусь — ключ да бяспекі Еўропы.

«Калі гэты ключ апынецца ў руках ЕС і Беларусь увайдзе ў яго склад, а пасля сыходу Трампа з Белага дома ўвойдзе яшчэ і ў НАТА, то на гэтым скончыцца ўвесь гэты нестабільны, шмат у чым несправядлівы беларускі перыяд гісторыі, калі краіна апынулася пад дыктатурай прарасійскага Лукашэнкі. Думаю, што гэты сцэнар цалкам рэальны», — сказаў пісьменнік.

Ён упэўнены, што Лукашэнку будзе лёгка зрынуць, а Беларусь стане часткай Еўропы пасля перамогі Украіны.

Кнігу Юрыя Фельштынскага «Беларусь Наталлі Радзінай» можна набыць:

Беларускае выданне — платформа выдавецтва «Янушкевіч» «Кнігаўка» і ў Варшаве ў кнігарні «Кнігаўка» па адрасе ul. Kłopotowskiego 4, 03-717.

Рускае выданне — сайт выдавецтва «ISIA Media» і Amazon.

Украінскае выданне — «Друкарський двір Олега Федорова» і Yakaboo.