На мінскай Камароўцы з'явіліся першыя грыбы

• 12.06.2026, 16:39

Высветлілі, дзе іх сабралі.

Першыя лісічкі з'явіліся на Камароўскім рынку ў Мінску. У пятніцу іх прадавалі на дзвюх «кропках» сезоннага рынку, але ўжо можна смела сказаць, што грыбны сезон пачаўся. «Смартпрэс» ацанілі першы ўраджай і даведаліся, адкуль яны.

Лісічкі па 35 рублёў за 1 кг прапануюць набыць на «ягадных» радах.

— Адкуль грыбы? — цікавяцца журналісты.

— З-пад Асіповічаў, там збіралі, бярыце, — раіць прадавец.

Ідзём крыху далей і бачым падобныя лісічкі, але там іх мераюць не кілаграмамі, а літрамі, па змяшчальнасці кантэйнера. 1,5 літра — 25 рублёў, 0,5 літра — 10 рублёў.

Чакаем баравікоў і падбярозавікоў?