Пуцінскі прапагандыст назваў Крым пасткай для расіян

• 12.06.2026, 16:51

І заклікаў адмовіцца ад паездак на паўвостраў.

Расійскі прапагандыст і так званы «ваенкар» Дзмітрый Стешын адкрыта выступіў за адмену летняга курортнага сезона ў часова акупаваным Крыме. Ён заклікаў грамадзян РФ адмовіцца ад паездак на адпачынак, адкрыта прызнаўшы, што паўвостраў ператвараецца ў небяспечную зону баявых дзеянняў.

Абмяркоўваючы мэтазгоднасць прыцягнення турыстаў у Крым у бягучых умовах, Стешын падкрэсліў, што паток грамадзянскіх асоб пагражае маштабнай гуманітарнай катастрофай, бо выехаць з паўвострава ў выпадку абвастрэння сітуацыі будзе немагчыма.

«Каб потым не бегаць і не хапацца за галаву, не выпрошваць перамовы, не падцягваць нейкіх мразяў з міжнародных гуманітарных арганізацый, каб выратаваць людзей, якія там апынуліся ў зоне баявых дзеянняў. Аказацца ў Крыме — гэта аказацца ў пастцы гэтым летам», — сказаў прапагандыст.