Незвычайны парушальнік пакінуў жыхароў Кобрына без інтэрнэту

• 12.06.2026, 17:10

Падрабязнасці раскрылі электрыкі.

Адзін з раёнаў Кобрына застаўся без інтэрнэту з-за незвычайнага парушальніка, паведамляе «Брэстэнерга».

Сетавы правад, які належыць Кобрынскім раённым электрасеткам, вырашыў паспрабаваць на зуб... бобр.

Кабель атакі не вытрымаў. А вось жывёла, як сцвярджаюць электрыкі, засталася жывая і непашкоджаная. Пасля рызыкоўнай «дэгустацыі» бобр спакойна паплыў далей па сваіх справах.

Спецыялісты кабельнай групы філіяла «Энергатэлекам» ужо аднавілі сувязь.