Любая крытыка сістэмы б'е па Пуціну

• Аббас Галлямаў
• 12.06.2026, 18:14

Формула «цар добры — баяры дрэнныя» больш не працуе.

Камуністы знайшлі формулу, якая дазваляе напоўніцу крытыкаваць уладу, малюючы карціны апакаліптычнай будучыні, якую яна падрыхтавала краіне, застаючыся пры гэтым фармальна на «патрыятычных пазіцыях». Для гэтага досыць некалькі разоў згадаць невыкананыя даручэнні прэзідэнта і не патрабаваць неадкладнага спынення СВА.

У прынцыпе, да выбараў так можна сапраўды нарасціць сабе рэйтынг, праўда, незразумела, як абараніць атрыманыя галасы. Ніякага сур'ёзнага назірання ў цяперашніх умовах КПРФ арганізаваць не зможа.

І, дарэчы, не трэба казаць, што калі наўпрост Пуцін не крытыкуецца, дык такая крытыка для яго бясшкодная. Не бясшкодная. Пасля 26 гадоў безраздзельнага уладарання любая крытыка сістэмы б'е па ім. Формула «цар добры — баяры дрэнныя» даўно ўжо не працуе. Усе ведаюць, што «баяраў» цар дбайна адабраў і прызначыў асабіста.

У Мікалая Другога таксама былі «маланкаадводы» — то Вітэ, то Сталыпін, то Плявэ, то Распуцін, то Сухамлінаў, то Штюрмер, то царыца. Як вядома, ад народнай нянавісці гэта яго не ўратавала. Калі Мілюкоў вымаўляў сваё знакамітае «дурнота ці здрада?», фармальна ён адрасоўваў свае прэтэнзіі не імператару, а міністрам, аднак усе ўсё разумелі. І праз тры месяцы звярглі менавіта Мікалая.

Аббас Галлямаў, Telegram