Крым ператвараецца ў востраў

З усімі наступствамі.

Як і меркавалася, украінцы пачалі біць па понтонных пераправах у раёне Крымскага перашыйка. Пантон — збудаванне надзвычай уразлівае, гэта не капітальны мост, які яшчэ паспрабуй знесці. Успомніце Антонаўскі мост, колькі разоў па ім прылятала, а ён усё стаяў.

Пашкоджанні пантонаў ліквідуюцца даволі хутка шляхам іх замены, але бясконца мяняць усё адно не атрымаецца, колькі трэба тых пантонаў. Гэта раз.

Ля моста будуць скапляцца машыны — ідэальная мэта для удараў. Гэта два.

Натуральна, Крым ператвараецца ў востраў. З усімі наступствамі. Даруйце за каламбур.

Трэба пастаянна нагадваць, што да 22-га года такога не было. А ўжо да 14-га — і пагатоў.

Як напісаў адзін зэтнік: «Нават не ведаю, што трэба прадпрымаць у дадзеным выпадку, але людзі, у чыёй гэта кампетэнцыі, павінны і абавязаныя ведаць».

Лепш і не скажаш. Адвечная расійская тэма: Хай начальства разбіраецца. Яно лепш ведае.

Сяргей Аўслэндэр, Telegram

Апошнія навіны