У Польшчы двух чалавек узялі пад варту ў сувязі з забойствам мастака Сямёна Скрэпецкага

• 16.06.2026, 12:07

Падазраваны ў забойстве дагэтуль на волі.

У Польшчы затрымалі трох чалавек у сувязі з забойствам у горадзе Бяла-Падляска расійскага апазіцыйнага мастака Сямёна Скрэпецкага, вядомага сваімі антыпуцінскімі карыкатурамі.

Пра гэта піша RMF FM.

Двое з гэтых асоб знаходзяцца пад вартай, аднаго адпусцілі на волю.

Адзін з затрыманых — чалавек, які займаецца пасажырскімі перавозкамі.

Следчыя паведамілі, што дагэтуль не ўдалося затрымаць чалавека, падазраванага ў забойстве.

Да пошукаў далучыліся супрацоўнікі крымінальнага аддзела ваяводскай паліцыі ў Любліне.

Расіяніна забілі ў панядзелак, 15 чэрвеня, незадоўга да 10:00. На вуліцы Каралевы Ядвігі невядомы злачынца зрабіў некалькі стрэлаў у бок мінака.

Нягледзячы на хуткую дапамогу з боку выратавальных службаў, ахвяра памерла на месцы. Нібыта злачынца зрабіў некалькі стрэлаў з блізкай адлегласці, а затым стрэліў у мужчыну, які ўжо ляжаў на зямлі.

Ахвярай аказаўся 44-гадовы грамадзянін Расіі Сямён Скрэпецкі, аўтар антыпуцінскіх карыкатур, які ў 2021 годзе эміграваў у Польшчу.

Яшчэ мінулай пятніцай мастак удзельнічаў у акцыі перад пасольствам Расіі ў Берліне.