З'явіўся выпускнік, які набраў максімальныя 400 балаў пасля ЦЭ і ЦТ

• 16.06.2026, 16:08

Адкуль ён?

Выпускнік гімназіі Светлагорска Аляксей Плешкуноў набраў максімальныя 400 балаў па выніках цэнтралізаваных экзаменаў (ЦЭ), цэнтралізаванага тэсціравання (ЦТ) і школьнага атэстата, паведамляюць «Светлагорскія навіны».

Юнак атрымаў па 100 балаў на ЦЭ па фізіцы і рускай мове, а таксама на ЦТ па матэматыцы. Яшчэ 100 балаў яму прынёс атэстат, у якім па ўсіх прадметах стаяць выніковыя адзнакі 10.

Раней у Міністэрстве адукацыі паведамілі, што на цэнтралізаваным экзамене па профільных прадметах сёлета 100 балаў атрымалі 638 выпускнікоў. Больш за ўсё стабальнікаў аказалася па матэматыцы — 190 чалавек. Яшчэ 22 выпускнікі атрымалі максімальны вынік па фізіцы.