Як крыж Кіева-Пячэрскай лаўры выратаваў ратавальнікаў ад дрона

• 16.06.2026, 17:18

Ён прыняў удар на сябе.

Расія нанесла ўдар беспілотнікамі па Кіева-Пячэрскай лаўры ў ноч на 15 чэрвеня. Ратавальнікі працавалі на месцы ўдару з першых хвілін. Потым вораг нанёс паўторны ўдар.

Вядучая «24 канала» Софія Назарэнка распавяла, што бліжэй да ранку 15 чэрвеня расіяне запусцілі яшчэ адзін дрон у напрамку Кіева-Пячэрскай лаўры. Супрацоўнікі ДСНС апынуліся ў небяспецы.

Як распавёў генеральны дырэктар НЗ «Кіева-Пячэрская лаўра» Максім Астапенка, другі дрон прыляцеў на тэрыторыю сабора каля 5 раніцы. Удар на сябе прыняў крыж на абарончай вежы Іаана Кушчніка.

– Крыж, магчыма, выратаваў ратавальнікаў, якія працавалі на тэрыторыі Успенскага сабора. Менавіта ён прыняў на сябе ўдар другога расійскага дрона. З-за гэтага беспілотнік змяніў траекторыю і не трапіў у ратавальнікаў, якія знаходзіліся тут, – распавёў Астапенка.

Пакуль што набажэнствы ў Успенскім саборы не праводзяцца. Там цяпер усталёўваюць часовае накрыццё, пасля чаго будуць абмяркоўваць пытанне аб тым, як аднавіць набажэнствы. Паводле папярэдніх дадзеных, на рэстаўрацыю сабора спатрэбіцца каля двух гадоў.