Стан найбагацейшых людзей свету за дзень вырас на рэкордныя $336 млрд

• 16.06.2026, 18:03

Да $13,3 трлн.

Да моманту закрыцця таргоў на Нью-Ёркскай біржы 15 чэрвеня стан 500 найбагацейшых людзей свету агулам павялічыўся на $336 млрд, што лічыцца найбуйнейшым прыростам за дзень у гісторыі, піша Bloomberg.

Паводле звестак агенцтва, сукупны стан згаданых асоб цяпер ацэньваецца ў $13,3 трлн.

Амерыканскі прадпрымальнік Ілон Маск павялічыў свой адрыў ад астатніх: яго стан вырас больш чым на 10% і цяпер складае $1,27 трлн, адзначыла агенцтва. Стан 12 чалавек у канцы спісу дасягнуў $7,9 млрд у кожнага, што з’яўляецца самым высокім паказнікам за ўсю гісторыю індэксу мільярдэраў.