Зяленскі абмеркаваў са Стармерам санкцыйны ціск на Расію

• 16.06.2026, 21:09

Прэзідэнт Украіны і прэм’ер-міністр Вялікабрытаніі правялі двухбаковую сустрэчу ў кулуарах саміту G7.

Прэзідэнт Украіны Уладзімір Зяленскі і прэм’ер-міністр Вялікабрытаніі Кір Стармер правялі двухбаковую сустрэчу ў кулуарах саміту G7 у Францыі, падчас якой абмеркавалі санкцыі супраць Расіі.

Пра гэта Зяленскі паведаміў у Telegram.

Прэзідэнт падзякаваў Вялікабрытаніі за новыя рашэнні па падтрымцы Украіны і за санкцыі супраць расійскага «ценявога флоту», абвешчаныя ў аўторак.

Зяленскі расказаў Стармеру пра наступствы нядаўніх расійскіх удараў па Украіне. Лідары таксама абмеркавалі магчымы ўдзел Вялікабрытаніі ў аднаўленні Кіева-Пячэрскай лаўры, пашкоджанай у выніку атакі Расіі ў ноч на 15 чэрвеня.

Акрамя таго, яны абмеркавалі рэалізацыю дамоўленасцей, дасягнутых падчас сустрэчы ў фармаце G7-Украіна, патэнцыйныя напрамкі далейшага ціску на Расію і крокі па ўмацаванні ўкраінскай супрацьпаветранай абароны.

У аўторак пра новыя санкцыі супраць Расіі абвясціла таксама Канада.