Сёлета Украіна вырабіць 10 млн дронаў

• 16.06.2026, 22:27

Пра гэта паведаміў Зяленскі.

Прэзідэнт Украіны Уладзімір Зяленскі заявіў, што Украіна ў 2026 годзе плануе вырабіць каля 10 млн дронаў, а пры неабходнасці можа падвоіць гэты паказчык. Пра гэта ён сказаў у інтэрв’ю Reuters NEXT у кулуарах саміту «Вялікай сямёркі» ў Францыі.

Ён падкрэсліў, што гэта добрая навіна для украінскай абароннай прамысловасці і сферы ваенных тэхналогій.

Зяленскі заявіў, што Расія страціла ініцыятыву амаль на ўсіх напрамках, дзе спрабавала весці наступальныя дзеянні. На асобных дылянках фронту украінскія сілы перахапілі ініцыятыву і дасягнулі поспехаў.