Месі пабіў яшчэ адзін суперрэкорд на чэмпіянатах свету

• 23.06.2026, 8:13

Аргенцінец аформіў дубль падчас перамогі над Аўстрыяй.

Ліянэль стаў першым гульцом, які выйграў 18 матчаў на чэмпіянатах свету

38-гадовы Ліянэль Месі устанавіў рэкорд па колькасці выйграных матчаў на чэмпіянатах свету, піша sport.ua.

Перамога ў складзе зборнай Аргенціны над Аўстрыяй у другім туры групавога этапу ЧС-2026, у якім ён аформіў дубль, стала для Леа 18-й на чэмпіянатах свету.

Месі пераўзышоў дасягненне Міраслава Клозе, у якога за нацыянальную каманду Германіі было 17 выйграных паядынкаў на ЧС.

Каб дасягнуць паказчыка ў 18 перамог на ЧС, Ліянэлю спатрэбілася 28 гульняў. У Міраслава 17 перамог у 24 матчах.

У гульні з Аўстрыяй Месі пераўзышоў Клозе і па голах на ЧС – Ліянэль забіў 17-ы і 18-ы гол, адзінаасобна стаўшы найлепшым бамбардзірам ЧС. У Міраслава – 16 галоў.