Крымскі мост перакрыты: Керч пад атакай рэактыўных дронаў

• 23.06.2026, 8:24

У Сімферопалі знікла святло.

У ноч на 23 чэрвеня часова акупаваны Крымскі паўвостраў зноў падвергся атацы беспілотнікаў. У Керчы чуваць страляніну, а расійскія паблікі папярэджваюць аб пагрозе «рэактыўных БПЛА» для рэгіёна, перадае «Фокус».

На фоне налёту беспілотнікаў акупацыйныя ўлады перакрылі рух праз Крымскі мост. Пра гэта паведамляе Telegram-канал, які адсочвае сітуацыю на мосце.

Рух быў перакрыты яшчэ каля 23:00. Тым часам у маніторынгавых каналах расіянаў папярэдзілі аб пагрозе рэактыўных дронаў для Керчанскага паўвострава, Керчы, Крымскага моста, Таманскага паўвострава, Тамані, порта «Каўказ» і прылеглых раёнаў.

Каля паўночы ў Ніжнегорскім раёне, размешчаным на паўночным усходзе Крыму, чуліся выбухі, паведаміў маніторынгавы канал «Крымскі вецер». Праз некаторы час гукі выбухаў на фоне атакі БПЛА былі чутныя ў Феадосіі.

Невзабаве дроны дабраліся і да Керчы, дзе ў раёне перакрытага Крымскага моста была чутная кананада стрэлаў. Верагодна, мабільныя агнявыя групы акупантаў абстрэльвалі дроны ў небе. Кадры з месца падзей былі апублікаваныя ў сеціве.

Каля 01:00 у Сімферопалі і частцы Сімферопальскага раёна на пэўны час адключылася электрычнасць, як паведамлялася ў сеціве. Таксама, паводле слоў відавочцаў, святло адключалі ў Савецкім раёне Крыму.

Варта адзначыць, што таксама ў расійскай Анапе, размешчанай на ўзбярэжжы Чорнага мора ў Краснадарскім краі РФ, каля паўночы абвясцілі паветраную трывогу з-за пагрозы з боку БПЛА. У Новарасійску Краснадарскага краю каля 01:00 былі чутныя выбухі: у мясцовых пабліках пісалі пра працу СПА па збіванні дронаў у небе.