Стралкоў завуалявана заклікаў да звяржэння Пуціна

• 23.06.2026, 9:24

Інакш РФ чакаюць капітуляцыя і ганебны прайгрыш.

Расійскі ваенны злачынца, Z-патрыёт Ігар Стралкоў загаварыў пра хуткую паразу РФ у вайне. Ён папярэдзіў расіян, што наперадзе — ваенная параза. Пра гэта паведамляе Dialog.UA.

Каментуючы «стратэгічныя» ўдары Сіл абароны Украіны па ваенных і прамысловых аб’ектах у Расіі, а таксама ізаляцыю акупаванага Крыма ад РФ, Стралкоў прыйшоў да высновы, што армія не ў стане «прадухіліць гэтыя ўдары або паспяхова іх адбіць».

Ён у чарговы раз запатрабаваў «ваяваць на поўную моц», інакш Расію чакае ваенная параза. «Калі мы будзем працягваць у тым жа духу, мы вайну прайграем. Ніякага кампрамісу не будзе, будуць ганебны прайгрыш і капітуляцыя праз пэўны час, якому будуць папярэднічаць ваенныя паразы на фронце», — напісаў Z-патрыёт.

Ён удакладніў, што пад вайной «на поўную моц» мае на ўвазе прыход да ўлады ў РФ «прынцыпова новых людзей». Фактычна, ён заклікаў да звяржэння рэжыму Уладзіміра Пуціна.