«Украіна можа знішчыць Крымскі мост, але яго пакінулі не без прычыны»

• 23.06.2026, 13:05

Узброеныя сілы Украіны намякаюць расійскім вайскоўцам.

Крымскі мост дагэтуль не знішчылі для таго, каб даць магчымасць выехаць з Крыму цывільным і вайскоўцам, каб не даводзілася лавіць расійскіх салдат у гарах паўвострава. Пра гэта заявіў ваенны эксперт Кірыл Сазонаў у эфіры «Фабрыкі навін».

«Менавіта таму яго яшчэ і не паразілі. Ён, дарэчы, і так непаўнавартасны пасля ўдару. Там трохі абмежаваны рух, і таму існуюць пэўныя забароны. І мне здаецца, што яго захоўваюць менавіта для таго, каб даць ім выехаць, каб не ўтрымліваць іх на паўвостраве. У першую чаргу мы зацікаўленыя ў тым, каб цывільныя выехалі, каб яны там не затрымліваліся», — сказаў ён.

Акрамя таго, паводле слоў Сазонава, мы зацікаўленыя ў тым, каб вайскоўцы адтуль з'ехалі, бо лавіць іх па Крыму, у гарах, можа быць вельмі доўга і складана.

«Таму хай лепш сыходзяць. Мне здаецца, менавіта дзеля гэтага гэты мост пакуль і пакінулі. Бо знесці мы яго можам», — сказаў ён.