Еўракамісар Кубілюс: Украінская «абаронка» — найлепшая ў свеце

• 23.06.2026, 16:48

Поспехі УСУ звязаныя не толькі з прафесійнасцю вайскоўцаў.

Еўракамісар па пытаннях абароны Андрус Кубілюс заявіў, што ўкраінская абаронная прамысловасць з'яўляецца найлепшай і найбольш інавацыйнай у свеце. Пра гэта ён сказаў падчас Еўрапейскага саміту па абароне і бяспецы ў Бруселі, перадае «Радыё Свабода».

Паводле слоў еўракамісара, раней прадстаўнікі ЗША і Фінляндыі называлі украінскую армію наймацнейшай у Еўропе і найбольш падрыхтаванай да сучаснай вайны.

Паводле меркавання Кубілюса, поспех украінскай арміі звязаны не толькі з прафесійнасцю вайскоўцаў.

«Але чаму яны лічаць украінскую армію найлепшай? Мой адказ: не толькі таму, што ў Украіны ёсць адважныя салдаты і разумныя камандзіры, але і таму, што яе абаронная прамысловасць з'яўляецца найлепшай і найбольш інавацыйнай», — падкрэсліў ён.

Кубілюс адзначыў, што Украіна прадэманстравала здольнасць хутка ствараць і ўкараняць новыя тэхналогіі, якія ўплываюць на характар сучаснай вайны.

У якасці прыкладу ён прывёў імклівае развіццё вытворчасці беспілотнікаў пасля пачатку поўнамаштабнага ўварвання Расіі.

«Было б цяжка зразумець, калі б мы не інтэгравалі самую інавацыйную абаронную прамысловасць у свеце ў еўрапейскую абаронча-тэхналагічную прамысловасць», — адзначыў еўракамісар.

Паводле яго слоў, краінам Еўрапейскага Саюза варта больш актыўна прыцягваць украінскі абаронны сектар да агульнай абарончай прасторы і пераймаць досвед аператыўнага нарошчвання вытворчасці ўзбраенняў.