Лукашэнка заклікаў жыхароў Гомельшчыны не хвалявацца з-за ўльтыматуму Зяленскага

• 23.06.2026, 18:28

Сам дыктатар вырашыў пакінуць краіну.

Кіраўнік вобласці Іван Крупко паведаміў Лукашэнку пра становішча ў вобласці ў цэлым, сітуацыю на мяжы з Украінай і ў прыгранічных раёнах, а таксама пра рэакцыю насельніцтва Гомельскай вобласці на нядаўні ўльтыматум Уладзіміра Зяленскага.

Сітуацыя, запэўніў Іван Крупко, хоць у цэлым і няпростая, але стабільная і кантраляваная. Пытанням бяспекі надаецца самая пільная ўвага.

Лукашэнка перадаў гамельчукам сваю просьбу — не хвалявацца і не непакоіцца. «У нас ёсць усё неабходнае, каб абараніць насельніцтва ад любога агрэсара», — падкрэсліў ён.

Нагадаем, што ўвечары ў пятніцу мінае тэрмін ультыматуму Зяленскага Лукашэнку: кіраўнік Украіны загадаў прыбраць рэтранслятары на мяжы, якія карэктуюць працу расійскіх дронаў.

Сам Лукашэнка, падаецца, не збіраецца заставацца ў Беларусі да часу заканчэння ультыматуму Зяленскага. У размове з кіраўніком урада Аляксандрам Турчыным ён паведаміў, што ў яго запланаваная сустрэча з Пуціным і працяглая камандзіроўка за мяжу.