Галоўнакамандуючы ЗСУ Сырскі апублікаваў відэа з вайскоўцам, які наносіў удары па Маскве

• 24.06.2026, 13:18

І заявіў, што «Працяг будзе».

Галоўнакамандуючы ЗСУ Аляксандр Сырскі у сераду, 24 чэрвеня, апублікаваў відэа з вайскоўцам, які ўдзельнічаў у ўдары па Маскоўскім нафтаперапрацоўчым заводзе. Сырскі падпісаў відэа словамі «Працяг будзе», намякнуўшы на новыя аперацыі.

«У 24-м годзе былі нашыя першыя налёты на Туапсэ. Ну і Усць-Луга — думаю, кожны ведае, бачыў і чуў, як яна гарэла, гэта таксама наша праца. Таксама бачылі навіны пра Маскву — там якраз працавалі мае хлопцы і нашыя калегі з іншых рот і іншых атрадаў. Гэта была маштабная камбінаваная аперацыя, і мы прымалі ў ёй актыўны ўдзел», — расказаў на абнародаваных кадрах аператар пра ўдзел свайго падраздзялення ў серыі далёкабійных удараў па аб’ектах у РФ.

«Апошні раз сталіца агрэсара так гарэла ў верасні 1812 года. Працяг будзе», — гаворыцца ў відэа, якое апублікаваў Сырскі.

Удар па Маскоўскім НПЗ у ноч на 18 чэрвеня 2026 года нанеслі аператары 1-га асобнага цэнтра Сіл беспілотных сістэм разам з 412-й асобнай брыгадай NEMESIS, 413-м асобным палком «Рэйд» і 414-й асобнай брыгадай «Птахі Мадзяра».