«Пашкадуйце сябе, за капейкі не працуйце»

• 24.06.2026, 16:19

Жыхары Гродна параўналі заробкі ў Беларусі і Польшчы.

Карыстальніца Threads з нікам __mo_lly__ папрасіла ў падпісчыкаў парады наконт працаўладкавання.

«Гродна. Куды ўладкавацца з заробкам 1800—2000 рублёў? – напісала яна. — Пажадана графік «два праз два».

Добрых варыянтаў працы ў родным горадзе з такімі ўмовамі жыхарцы Гродна амаль не прапаноўвалі, затое расказалі, дзе яна зможа зарабляць значна больш. Сайт Charter97.org прыводзіць найбольш папулярныя каментары:

— Як даведаецеся — падзяліцеся.

— У Польшчу ў «Жабку», яшчэ і больш заробіце.

— Я — тая, якая спрабуе знайсці працу да пяці гадзін, бо ёсць дзеці, і адзін з іх — часта хворы. Тут здзіўляюцца, як можна выжыць на гэтыя грошы. А я спрабую хоць на мінімальны заробак патрапіць, бо крэдыт на будаўніцтва кватэры — 1400 рублёў.

— На такія грошы цяпер магчыма выжыць?

— За касай у «Бедронцы» ў Кузніцы будзеце мець 5000 рублёў. Што вы там шукаеце за такія грошы?

— Пашкадуйце сябе, за капейкі не працуйце.

— Ідзіце ў «Белстат» працаваць.