Мядзведзеў пачаў пагражаць Арменіі і Малдове

• 24.06.2026, 20:03

Намеснік старшыні Савета бяспекі Расіі заявіў пра паўтарэнне «ўкраінскага шляху».

Малдова і Арменія ідуць тым самым шляхам, што і Украіна, заявіў намеснік старшыні Савета бяспекі Расіі Дзмітрый Мядзведзеў.

«Так было з Грузіяй, так адбылося з Украінай, якая ў 2014 годзе ператварылася ў асяродак русафобіі. На жаль, так цяпер адбываецца з Малдовай і нават, на жаль, з Арменіяй», — сказаў намеснік старшыні Савета бяспекі РФ на пленарным пасяджэнні Пецярбургскага міжнароднага юрыдычнага форуму (цытата паводле «РІА Навіны»).

Адносіны Расіі і Арменіі абвастрыліся з-за курсу апошняй на збліжэнне з Еўропай.

Раней міністр замежных спраў Расіі Сяргей Лаўроў у артыкуле «Украіна, Еўропа і глабальная бяспека» адзначаў, што Еўропа «марыць пра экспансію» і ўжо «намерваецца асвойваць» Украіну і Малдову, уцягваючы ў сваю арбіту Арменію.