У Магілёве з'явіўся гіганцкі вулічны скаладром

• 24.06.2026, 21:15

Фотафакт.

Найвышэйшы ў Беларусі скаладром пад адкрытым небам з'явіўся ў Магілёве. Вышыня збудавання складае 17 м, што супастаўна з памерамі стандартнай пяціпавярхоўкі.

Спартыўны аб'ект «прапісаўся» на тэрыторыі комплекснай спецыялізаванай дзіцяча-юнацкай школы алімпійскага рэзерву «Вікторыя» на вуліцы Індустрыяльнай, паведамляе sb.by.

На новым скаладроме ёсць адразу дзве трасы: адна дазваляе адпрацоўваць хуткасць, другая — праходзіць больш складаныя маршруты.

Якасць пляцоўкі ўжо паспеў ацаніць самы хуткі скалалаз Беларусі Ігнацій Максімаўцоў. Па яго словах, узровень зачэпак тут не саступае тым, якія выкарыстоўваюць на буйных спаборніцтвах у Расіі.

Акрамя таго, аб'ект адпавядае алімпійскім стандартам, таму падыходзіць не толькі для заняткаў, але і для правядзення сур'ёзных стартаў.