Зяленскі заінтрыгаваў заявай пра Крым

• 25.06.2026, 0:00

Прэзідэнт Украіны заявіў, што аперацыя на паўвостраве «дакладна пралічаная».

Калі у Украіны з'явіцца тое, пра што яна гаварыла з партнёрамі на саміце G7, будуць створаныя ўмовы, якія прымусяць Расію выбраць мір.

Аб гэтым паведамляе Сharter97.org са спасылкай на заяву прэзідэнта Украіны Уладзіміра Зяленскага.

Кіраўнік дзяржавы падкрэсліў, што аперацыя Украіны ў Крыме «дакладна пралічаная».

«І тое, як аперацыя працягваецца, дакладна даказвае: калі менавіта тое, пра што мы гаварылі з партнёрамі ў межах G7, у Украіны з'явіцца, і гэта залежыць ад рашэння партнёраў, мы аператыўна забяспечым умовы, калі Расія будзе вымушаная выбраць мір», - заявіў ён.

Зяленскі падкрэсліў, што Кіеў «вельмі разлічвае» на станоўчы адказ ад партнёраў Украіны. Ён дадаў, што яны «дакладна ведаюць», пра што ідзе гаворка.