У Венесуэле выратавалі дзіця, якое правяло пад заваламі 70 гадзін
- 28.06.2026, 9:19
Відэафакт.
Калумбійскія выратавальнікі, якія дапамагаюць ліквідаваць наступствы двайнога землятрусу ў Венесуэле, правялі паспяховую аперацыю па выратаванні 11-гадовага хлопчыка.
Пра гэта паведамляе Міністэрства абароны Калумбіі.
Спецаперацыю па вызваленні дзіцяці правялі супрацоўнікі Нацыянальнай службы па кіраванні рызыкамі стыхійных бедстваў сумесна з байцамі пажарнай службы Баготы (Калумбія).
У калумбійскім абаронным ведамстве адзначылі, што гэты паспяховы выпадак вяртае веру і дае надзею знайсці іншых жывых людзей, якія дагэтуль могуць знаходзіцца пад развалінамі будынкаў.
Зараз у Венесуэле разгорнутыя маштабныя пошукава-выратавальныя работы. У краіну ўжо прыбылі больш за 1600 замежных спецыялістаў, якія разам з мясцовымі службамі і валанцёрамі бесперапынна разбіраюць абломкі бетонных канструкцый у пацярпелых гарадах.
¡Es un milagro! Moisés fue rescatado con vida.
Tras 70 horas bajo los escombros, el equipo USAR COL-1 🇨🇴 logró rescatar con vida a Moisés, de 11 años, en una operación que llena de esperanza y fortalece la misión de seguir buscando sobrevivientes.
Reconocemos el compromiso y la… pic.twitter.com/gEENoQPtfi
— Mindefensa (@mindefensa) June 27, 2026
Нагадаем, вечарам 24 чэрвеня Венесуэлу скаланулі два звышмагутныя землятрусы магнітудай 7,2 і 7,5, якія адбыліся з інтэрвалам менш чым у хвіліну.