У цэнтры Мінска здарыўся буйны пажар

• 29.06.2026, 8:09

На месцы здарэння працаваў крызісны штаб.

Выратавальнікі завершылі ліквідацыю буйнага пажару, які ўзнік у мінулы вечар у цэнтры Мінска.

Узгаранне адбылося ў доме па адрасе вуліца Леніна, 9. Агонь ахапіў дах і гарышча. На піку плошча пажару перавышала 1000 квадратных метраў — гарэлі кроквенныя канструкцыі.

Каля 22:45 у МНС паведамілі пра лакалізацыю пажару, а цалкам ліквідаваць яго ўдалося прыблізна да трох гадзін ночы. Да тушэння былі задзейнічаны 27 адзінак тэхнікі.

На месцы працаваў крызісны штаб. Жыхароў дома часова рассялілі: частка з іх спынілася ў сваякоў і знаёмых, іншым прадаставілі месцы ў інтэрнаце.