Яшчэ адзін беларус папоўніў шэрагі харвацкага гандбольнага гранда

• 30.06.2026, 16:15

Мацвей Барбашынскі працягне кар'еру ў «Загрэбе».

Беларускі гандбаліст Мацвей Барбашынскі у сезоне-2026/27 зменіць клубную прапіску.

Былы гулец мінскага СКА працягне кар'еру ў харвацкім «Загрэбе».

«Мацвей Барбашынскі прыбывае ў Загрэб — 204 см сілы, таленту і вялікіх амбіцый. Сардэчна запрашаем у сям'ю, Мацвей!» — анансавалі пераход 21-гадовага гандбаліста.

На працягу двух папярэдніх сезонаў Мацвей выступаў у складзе мінскага СКА. За гэты час ён правёў 80 матчаў і закінуў 113 мячаў.

Зазначым, што дапамогуць адаптавацца ў «Загрэбе» Барбашынскаму-малодшаму Ігар Беляўскі і Станіслаў Садоўскі, таварышы па зборнай Беларусі, якія раней таксама выступалі за СКА.