Партыя Пашыняна перамагла на выбарах з вялікім адрывам

• 8.06.2026, 8:36

(Абноўлена) Арменія выбрала Еўропу.

Партыя прэм'ер-міністра Арменіі Нікола Пашыняна «Грамадзянская дамова» набрала на парламенцкіх выбарах 49,81% паводле вынікаў падліку 100% галасоў выбаршчыкаў, паведамляе ЦВК рэспублікі са спасылкай на папярэднія даныя.

У партыі «Моцная Арменія» Самвела Карапетяна — 23,29%. На трэцім месцы блок «Арменія» экс-прэзідэнта Роберта Качаряна — 9,94%. За партыю Гагіка Царукяна «Працвітаючая Арменія» прагаласавалі 4%.

Прахадны бар'ер для партый складае 4%, для блокаў — 8%.

Такім чынам, апазіцыя ў суме набрала 37,23% галасоў.

ЦВК Арменіі абнародуе канчатковыя даныя галасавання на працягу бягучага тыдня.

Пасля падліку 10% галасоў Пашынян заявіў, што яго партыя «Грамадзянская дамова» «аднаасобна сфарміруе ўрад», атрымаўшы перамогу на парламенцкіх выбарах.