Трамп пра перамовы з Іранам: Мы вельмі добра ладзім

• 1.07.2026, 17:55

Прэзідэнт ЗША заявіў пра «паспяховую дэнуклеарызацыю» Ірана.

Дональд Трамп упэўнены, што Злучаныя Штаты вельмі добра ладзяць з Іранам і што нядаўнія сустрэчы ў Катары прайшлі паспяхова, піша Reuters.

«Дэнуклеарызацыя Ірана прасоўваецца добра. У іх былі вельмі добрыя сустрэчы, і мы паглядзім. Мы вельмі добра ладзім. Я думаю, у іх усё ў парадку», — сказаў Трамп, дадаўшы, што Іран «прайшоў доўгі шлях».

Нагадаем, у сераду ЗША і Іран правялі тэхнічныя перамовы у сталіцы Катара Досе, імкнучыся дамовіцца аб суднаходстве праз Армузскі праліў і забяспечыць працяглае перамір'е.

Зяць Трампа Джарэд Кушнер і пасланец Стыў Уіткоф сустрэліся з прэм'ер-міністрам Катара — пасярэднікам у перамовах нараўне з Пакістанам — каб закласці аснову для перамоваў, але самі не будуць удзельнічаць у абмеркаваннях, паведаміла крыніца агенцтва.