Украінскія пілоты знішчальнікаў авіябомбай знішчылі месца скупчэння штурмавікоў РФ

• 1.07.2026, 22:29

Момант удару патрапіў на відэа.

Пілоты знішчальнікаў Паветраных сіл Украіны нанеслі авіяўдар па месцы скупчэння расійскіх вайскоўцаў.

Паводле звестак аэравыведкі, у паражаным будынку скупчваўся асабовы склад штурмавых падраздзяленняў Узброеных Сіл РФ.

Пасля атрымання дакладных каардынат месца дыслокацыі праціўніка ўкраінскія пілоты нанеслі высокадакладны ўдар авіябомбай AASM HAMMER па варожым аб’екце.

У выніку прыцэльнага трапляння будынак разам з расійскімі штурмавікамі быў знішчаны.

Кадрамі баявой працы ўкраінскай авіяцыі падзяліўся адзін з пілотаў у сваім Telegram-канале «Соняшник».