У Маскве гарыць НПЗ

• 10.07.2026, 12:26

Капотня зноў пад ударам.

У Маскоўскай вобласці Расіі абвясцілі ракетную небяспеку, а ў сеціве з'явілася інфармацыя пра пажар у раёне НПЗ Капотня ў Маскве.

Пра гэта ў пятніцу, 10 ліпеня, піша Telegram-канал Astra.

Там адзначылі, што ў сістэме апавяшчэння РСЧС папярэдзілі пра магчымыя збоі ў працы мабільнага інтэрнэту і заклікалі жыхароў заставацца дома, трымацца як мага далей ад вокнаў або перайсці ў сховішча.

У той жа час Telegram-канал Exilenova+ паведаміў пра пажар у раёне нафтаперапрацоўчага завода Капотня ў Маскве. На дадзены момант гэтая інфармацыя афіцыйна не пацверджаная.

Раней паведамлялася, што ў ноч на 10 ліпеня Маскву атакавалі беспілотнікі, расійскія ўлады заяўлялі пра працу СПА. На фоне пагрозы аэрапорт Дамадзедава часова прыпыняў прыём і адпраўку рэйсаў.