У акупаваным Крыме фарміруюць запасы вады і прадуктаў

• 11.07.2026, 5:59

На паўвостраве абвешчаны рэжым надзвычайнай сітуацыі.

Расійскі Чырвоны Крыж пачаў фарміраваць дадатковыя запасы гуманітарнай дапамогі для акупаванага Крыма і Севастопаля на фоне рэжыму надзвычайнай сітуацыі, уведзенага на паўвостраве 26 чэрвеня. Пра гэта паведамілі ў арганізацыі.

Як адзначаецца, у Крыме ўжо падрыхтавалі 800 прадуктовых і 700 гігіенічных набораў, 43 тоны пітнай вады, а таксама тэхнічныя сродкі рэабілітацыі — інвалідныя каляскі, хадункі, тросці і мыліцы.

У Севастопалі сфармавалі рэзерв з 600 прадуктовых і гігіенічных набораў. Дапамогу плануюць аказваць асобам з інваліднасцю I і II груп, перасяленцам 2025–2026 гадоў, а таксама тым, хто апынуўся ў складаных жыццёвых абставінах.

Рэжым надзвычайнай сітуацыі ў акупаваным Крыме ўвялі 26 чэрвеня пасля серыі ўдараў па аб’ектах энергетычнай інфраструктуры, што прывяло да маштабных перабояў з электразабеспячэннем і водазабеспячэннем.

Паводле даных расійскіх уладаў, праблемы з электраэнергіяй цяпер закранулі як мінімум 18 з 29 гарадоў і раёнаў Крыма.

Тым часам камандуючы Сіламі беспілотных сістэм Узброеных сіл Украіны Роберт Броўдзі раней заяўляў, што з 1 па 8 ліпеня на паўвостраве ўдалося паразіць больш за 50 энергетычных аб’ектаў.