У Ашмянах бабёр перайшоў дарогу па пешаходным пераходзе

• 11.07.2026, 19:34

Незвычайны момант трапіў на відэа.

У Ашмянах бабёр стаў сапраўднай зоркай сацыяльных сетак пасля таго, як увечары, калі ўжо сцямнела, перайшоў дарогу па пешаходным пераходзе.

Вадзіцелі, якія сталі сведкамі незвычайнай сітуацыі, спыніліся і цярпліва чакалі, пакуль звярок спакойна скончыць свой шлях. Паводзіны бабра выклікалі ўсмешкі ў відавочцаў, некаторыя дасталі тэлефоны і знялі гэты момант на відэа.

Запіс хутка разышоўся па сацыяльных сетках і стаў папулярным. Карыстальнікі з гумарам адзначаюць, што ў Беларусі правілы дарожнага руху ведаюць нават бабры.